Thursday, September 22, 2016

ඇය මගේ සකුන්තලා ය

කවුරුන් ම හෝ දුටුවා ද
දුර්වාසස් ව
මගේ නිවසට යන එන මග

නිසැකව ම
ඇවිත් යන්නට ඇත
මා ඇය ගැන ම
සිහින දකිනා අතර

ඉතිං කාටවත් නෑසුනි ද
ඔහු සාප කර නික්මුනි ද
සිතූයේ මා කවුරුන් ද
ඇය ට මා අමතක වේවායි කීවේ ද

ඉතිං මිතුරෙක් ළඟ වී ද
සාපයෙන් මුදන්නැයි ඉල්ලී ද
සාපයෙහි වෙනසක් නොම වී ද
පේරැස් මුදු නැතත්
ඇය ම මට දුන් සියලු දේ දැක දැකත්
කිසිවක් ම මතක නැත්තේ කෙලෙස ද

ඇය මගේ සකුන්තලා ය
රජකු නොවූවත්
ඇගේ ලොව දුෂ්ෂන්තා මම ය

මිතුරනි, අසල්වැසියනි
දුර්වාසස් ව දුටුවා ද
මෙය සාපයකි පැහැදිලි

කුමට ඉසිවර කම්
ප්‍රේමයත් නො හඳුනයි නම්

No comments:

Post a Comment